ក្នុងគោលបំណងជំរុញការប្រាស្រ័យទាក់ទងតាមទូរស័ព្ទឲ្យកាន់តែប្រសើរ និងជាដំណោះស្រាយដល់បញ្ហាលំបាកស្មុគស្មាញ ក្នុងការតំឡើងពុម្ពអក្សរខ្មែរ និងសម្រួលដល់អ្នកប្រើប្រាស់កម្មវិធីជាភាសាបរទេសទាំងអស់នោះ ។ កម្មវិធី SPICE នៃអង្គការវិទ្យាស្ថានបើកទូលាយ ក្រោមការឧបត្តម្ភថវិកាពី USAID បានអភិវឌ្ឍកម្មវិធីទូរស័ព្ទមួយចំនួន សម្រាប់អ្នកដែលមានទូរស័ព្ទដៃប្រើប្រាស់ប្រព័ន្ធ Android កំណែប្រែចាប់ពី ២.១ ឡើងទៅ អាចប្រើប្រាស់កម្មវិធីដែលផ្តល់ជូននេះបានដោយងាយស្រួល ។
កម្មវិធីដែលបានអភិវឌ្ឍឡើង ដោយ SPICE និងអាចទាញយកប្រើប្រាស់ដោយឥតគិតថ្លៃរួមមាន៖
លក្ខណៈពិសេស៖ កម្មវិធីទាំងនេះអាចបង្ហាញ និងអនុញ្ញាតឲ្យមើល និងវាយភាសាខ្មែរបានយ៉ាងល្អ ទោះបីជាទូរស័ព្ទរបស់លោកអ្នកមិនបានតំឡើងពុម្ពអក្សរខ្មែរក៏ដោយ ។
ក. ក្តារចុចស្តង់ដារខ្មែរ – Standard Khmer Keyboard
ប្លង់ក្តារចុចស្តង់ដារខ្មែរ ត្រូវបានបង្កើតឡើងស្របតាម ស្តង់ដារក្តារចុច Google ហើយបានបន្ថែមលក្ខណៈពិសេសដូចជា៖- អាចវាយអក្សរខ្មែរបានលឿន និងងាយស្រួល
- អាចបង្ហាញពាក្យព្យាករណ៍ (Suggest) ពេលកំពុងវាយ
- អាចពិនិត្យអក្ខរាវិរុទ្ធ និងបន្ថែមពាក្យទៅលើបញ្ជីពាក្យក្នុងវចនានុក្រមដែលមានស្រាប់ ។
ខ. សារខ្មែរ SMS – Sar Khmer SMS
សារខ្មែរ SMS ជាកម្មវិធីសម្រាប់ផ្ញើសារខ្លី SMS ងាយស្រួលប្រើ សុវត្ថិភាពខ្ពស់ និងមានសមត្ថភាពអាចសរសេរ និងផ្ញើសារជាភាសាខ្មែរបានដោយពុំចាំបាច់មានតំឡើងពុម្អអក្សរខ្មែរ ឬ Root ទូរស័ព្ទឡើយ ។ម៉្យាងវិញទៀត វាក៏អាចបង្ហាញពាក្យព្យាករណ៍ (Suggest) និងអាចពិនិត្យអក្ខរាវិរុទ្ធ និងបន្ថែមពាក្យទៅលើបញ្ជីពាក្យ ដូចនឹងកម្មវិធីក្តារចុចស្តង់ដារផងដែរ ។
គ. វចនានុក្រមខ្មែរ ជួន ណាត – Choun Nath Dictionary
វចនានុក្រមខ្មែរ ជួន ណាត ត្រូវបានគេនិយមប្រើបំផុត ក្នុងការស្វែងរកអត្ថន័យនៃពាក្យ ខ្មែរណាមួយ ដើម្បីបង្កើនការយល់ដឹងភាសាខ្មែរ ។ កម្មវិធីនេះមានលក្ខណៈពិសេស អាចឲ្យយើងស្វែងរកពាក្យដោយប្រើប្រាស់អក្សរយូនីកូដ និងអាចចុចមើលអត្ថន័យនៃពាក្យណាមួយផ្សេងទៀតចេញពីពាក្យមួយ ។ មួយវិញទៀត បន្ទាប់ពីតំឡើងកម្មវិធីនេះហើយ វានឹងធ្វើការត្រួតពិនិត្យរកប្លង់ក្តារចុចខ្មែរ និងស្នើរឲ្យតំឡើងប្រសិនបើមិនមាន ។ឃ. អំណាន RSS – Omnan RSS
អំណាន RSS ជាកម្មវិធីបណ្តុំព័ត៌មានលើអ៊ីនធើណេត ដែលបង្ហាញនូវរាល់មាតិកាអត្ថបទ នៃព័ត៌មាននានាដែលនៅលើបណ្តាញសារព័ត៌មានផ្សេងៗ ដែលលោកអ្នកពេញចិត្ត ។ កម្មវិធីនេះជួយឲ្យលោកអ្នកអាចរៀបចំ ទទួលយកព័ត៌មានតាមតម្រូវការ និងចំណេញពេលវា ដោយពុំចាំបាច់ ចូលទៅទស្សនាតំបន់បណ្តាញនីមួយៗ ឬគេហទំព័រដ៏ទៃឡើយ ។
No comments:
Post a Comment